அறிவோம் அரசியல்:

தேர்தல் ஒப்பந்தம் : படையச்சி + தி.மு.க.

சென்னை

      பதவிக்காக “கட்சித்தாவல்” என்ற சுயநல பாரம்பரியத்தை இந்தியாவிலேயே 1952ல் முதன் முதலாக தொடங்கி வைத்த சந்தர்ப்பவாதப் பெருமை படையாச்சி கட்சிக்குத்தான் உண்டு என தமிழக அரசியல் களம் தொடர்ந்து நிரூபித்து வருகிறது.

      தி.மு.க., பாட்டாளி மக்கள் கட்சிக்கான 2011 தேர்தல் கூட்டணி உண்டா? இல்லையா? என்ற முடிவை அறிய ‘பலரும்’ ஆவலுடன் உள்ளனர். கூட்டணி குறித்து தி,மு,க,வுடன் பேசுவோம், பேசுவோம், பேசிக்கொண்டே இருப்போம்., கேளுங்கள், கேளுங்கள், கேட்டுக்கொண்டே இருங்கள் என்று மருத்துவ ராமதாஸ் கூறியுள்ளார். இது மட்டுமல்லாது, அரசியலில் நிரந்தர நண்பனுமல்ல, நிரந்தர எதிரியுமில்லை என்று விளக்கியுள்ளார். அதாவது தேர்தல் காலங்களில் கூட்டணி மாறுவது இயற்கையான ஒன்றுதான் என்றும் தி.மு.க. கூட ராஜாஜியை ஆதரித்துள்ளது. என்றும் `நெஞ்சுக்கு நீதி`யில் இருந்து எல்லாம் விளக்கினார். இந்த உண்மையான அரசியல் வரலாறு குறித்து அறிந்து கொள்வது நியாயமல்லவா?